Blasmusik auf Japanisch (日本国）

Wor heit in Schönbrunn, österreichisches Blasmusikfest! Mit südtiroler, luxenburger, slowenischen und achjo japanischen Kapellen! Cool. Di Japaner kemmen aus Tokyo und sein ve a High School, olle ziemlich kluan un jung ;-) volle geil! wenn mir an marsch spielen beim marschieren spielen, spielen sie Star Wars... ach jo, und si hobn de tonzgruppe kop, wos ziemlich fotogeil sein. kro honi is handy gezückt hobn si sich formiert und des typisch asiatisches peace zeichen gezoag. i versteas nit... di chinesen tean des a olm. *kopfschüttel*
ajo und mir hobn quer durch die gonzn europäischen kappellen ve di magatenterinnnen schnops getrunken, ve treber bis nusseler... jo und wenn men olle durch hot, nr fühlt men sich awia beschwipst! lei di japsen hobn kuan reisschnops kop... ober überzeugs enk selbst vem foto, de japsn sein echt lustig, gell sara! ;-) i hon logisch af chinesisch gegrüßt und de hobn voll gekichert! i sig schon, i kimm guat un... lei englisch kennen sie nit. i muas noch japan!!

我的生日。。。

jojo mein geburtstog honi a guat überstonden... ;-) iatz weri ober glabi a holbes johr brauchn bis i mir drmerk dassi iatz eigentlich 20 bin!
am mittwoch wori af an studentenfestl ohne WG mit studienkollegen und südtiroler bekonnten. wor gonz geil, hicks ;-)
bin nr im freien (es wor orschkolt) beim buswortn ingschlofen. ober irgendwia bini decht huamkemmen! am donnerstig hon i lasagne gmocht. für wg und mary. nr hobn si mi mit verschlossenen augen in di küche gführt, gleichzeitig isch chinesisch restaurant musi gongen und i hon an chinesischen mega huat aufgsetzt gekriag. gschenkt gekriag honi a gutschein für an eintritt im kabarett. bam kabarett worn mir am freitig, wor volle geil! jo und a CD mit der chin. musi. jo und gestern wor do a nicht geplante "kluane" fete. sell bedeitet, dass wianiger leit kemmen sein als i mir erwortet het... viele sein huam gfohren (hon bis dienstig frei :-) ) ondre hobn kuane zeit kop. ober es wor volle geil. di chinesin wor a do! nr honi a chinesisches trinkspiel glernt... um 2 bin i ins Mäcci am schwedenplotz wo i foscht mit meiner happy meal überraschung an ungsteltten niedergstreckt hatt ;-) jo und zum schluss ausi honi glabi 2h bis um 5e in dr fria über China usw. gratscht.

i hoff i hon enk an einblick geben gekennt, weil es hops no gfahlt :-( wer woas vielleicht zur nächschten fete!!

noch 34 Tage bis 中国！(China)

hallo!
no 34 Tog, nr bini 12000km ve enk a weck und fong in Tog 6h vor enk un! Ajo, und nimmer long, nr honi Geburtstog. Schu komisch, wenn men so an 2er vorne stean hot... echt komisch. men fühlt sich nimmer als teenager und hots gfühl als warn zwischn 19 und 20 10 Johr... kimp mir holt vor.
Do gibs a nix aufregendes zu berichten, außer dass i is regenwetter mit außer hon, weil es regnet seit 3 Tog!! morgen solls a no regnen... bin vor 3 tog insgesomt 4km gejogged, gestern 6km mit Inlineskates (um 40€ kaft :P) und 2km mit Radl. Ali und i hobn an Tausch gmocht, ober mir hobn gmiat frühzeitig tauschen, weil er no nit so guat inlineskaten konn...
Ajo, uane neuigkeit honni: di 2 wände, wo is sofa isch sein iatz roat gstrichn. und i honn nix gwisst, hons erscht gsegen polli kemmen bin. ober schaug eh geil aus, wenn men bedenkt, dass roat die chinesische glücksfarbe isch.
um so näher China kimp umsomehr honi ongscht. du heart men wirklich komische gschichtn, auf wos men aufpassen muas usw. ober wert schu gean. i loss mi überroschn.

momentan besteht mein togesoblauf aus lernen und leben. nit kro aufregend, ober do muasi iatz durch. enkrer tog werd jo a - hoff i - aus den erstens erwähnten bestehen! ;-)

Servus

lg
Weiss

sooo tired-sooo frustrated

long isches her dassi do wos inigschriebn hon... iatz honi an guatn grund. hon gestern und heint insgesomt 5 prüfungen kop (hett no uane). gestern buchholtn (mit a bissele glück schoff is) und 2 chinesisch prüfungen (sein guat gongen). heint honi "Europäisches und öffentliches Wirtschaftsrecht" kop. und i bin total obglust... wor a multiple choise test, und i hons nimmr drtund afn zettl wos i obgeben muas, zum schluss di richtigen ontwortn unzukreizeln. hon mir di ontwortn afn frogen zettl vermerkt, weili afn zettl den i obgebn muas nit korrigieren terf. (Kulli!!) nr sog er: "noch 10 min", nr af uanmol "noch 1 min" und nr "nur noch 5 s". i hon gezitter und hett foscht velauter aufregung in di hosn gepisst... (kennt es de alpträume wo men nocket ba a prüfung isch oder wo men ohne eppes schriebn zu hobn obgeben muas? ba mir wors heint kuan "traum" mer :-( ) 60% muas men richtig hobn, bei folschen antwortn kreag men abzüge!! iatz bini so deprimiert und brauch a bor aufbauende worte...
sitz krot af dr wiese in dr sunn am campus vor mir a liebespaarl, hinter mir afn baum a por schreiende kinder. und i sitz do aluan mit mein läppi. hett iatz no a mündliche chinessich prüfung. wer si nit mochn, men konn sich nämlich freiwillig mochn. wer no is wochenende lernen, drmit i a guate note kreag. so bin i gewapptnet für di endprüfung. iatz isch krot uaner zu mir her kemmen: "isch des is nuie Mac Book Pro?" i: "leider nit". und iatz isch kro is liebespaarl händehalten über mir (i isitz) drüberkupft. des sein frühlingsgefühle... nit wor!?

P.S.: is bild isch vem feuerwerk afn prater vom 1. Mai.

April, April!! :-)

hey leute, des wor a mießer&fießer Aprilscherz!! Beruhigt enk! Iatz kurz eppes zu die verschiedenen Reaktionen:

Sara: Dass dus mir so leicht mochsch, hatt i nit gedenkt! :-) Du fongsch schun un zu erklären welche Metro i in Rom am besten nemmen soll drmit i zur "Arbeit" kimm. Hoffentlich osch no kuan Flugticket noch Rom gekaft, weil mi bsuachn mechesch! Oder bisch schu unten!? Und i hon genau gwisst, dass du die nochn Montagfrühbusfahrttratsch wieder korriegieren wersch...

Berni: Also dr Berni hats mir zu 80% geglapp. Immerhin hot er schu fescht drmit grechnet dass er olle Apple Sochen billiger kreag und dass er nor iberoll ummerdrzehlen konn: "Dr Weiss - mein Kolleg - orbetet in Rom im Apple Store!!" I sog lei: PECH KOP!!

Und wer kennt mi am beschtn? Die liebe Nadja, Nr.3 der Kommentare: Die Nadja hot glei gedenkt, dass es nit stimmen konn, weil i tat nia mein Sinologie Studium schmeißen! Iatz redi seit an johr ve china, nr weris jo nit lossen!! I frei mi schu so drauf! In an apple store war schu cool, ober longfristig kannet is mir nit vorstellen. Bravo! Ober irgendiwia hot sie a des Rabattdenken im Hinterkopf kop, wia die liebe Nr.2...

So, i hoff es seits mir nit extrem böse... keep cool...

Weiss in an chinesischem Reisebüro:
Hon leschtn Donnerstig mit dr YeYe ausgmocht, wegn an Flug zu schaugen, si kennt angeblich a billiges auf china spezialisiertes reisebüro am westbahnhof. nr hobn mir af dr U6 Alserstraße ausgmocht. Nr zuckt sie ihr "3" handy außer, a rießen koschten mit videotelefonie und ollen meglichen funktionen wos men holt so im alltäglichem leben braucht... (Klischee 1 erfüllt). Jo do kimp holt a freindin ve ihr, ve der si eppes obkafn will. Ok, freindin kimp, und wos kaft sie? an fetzgelben rießenstuan um 20€!! Spinni?? Jo der stuan isch "feng shui" und soll viel geld bringen. an roatn für liebe hot sie schu in dr hosentasch. (Klischee 2 erfüllt) I muan soll mit hilfe des stuans geld vom himmer follen oder wos??
Drnoch weiter zum reisebüro. a lurets loch mit olles chinesen. super! nr redn mir holt... die angebote suachts si in a mappe steckt voll mit zettel. 3 handys nebnen computer!! (Klischee 3 erfüllt) nr kemmen mir holt ins gespräch, wo i am besten londen soll blabla wos am billigschten isch usw. nr frog sie: "Ihr seit ja verheiratet, dann bekommst du einen rabatt, den wir normalerweise nur für chinesen geben!" i und die YeYe lochn volle... "Wie alt bist du denn?". i sog 19. "Erst 19, das glaube ich dir nicht!" irgendwia muant si olleweil no, dass i und die YeYe zom oder so. I sog: "Ich könnte auch in Mailand landen, weil ich bin Italiener." "Italiener? Ich hatte mal in der schule italienisch: Come ti chiami... Grazie... Ciao..." Momentan gibs angeblich kuane günstigen flüge, erst im april wieder! und zum schluss druckt si mir ihre telefonnummer in die hond und sog: "du brauchst mich nur anrufen, ich bin die Linda, dann suche ich dir gerne einen billigen flug!!" also wenn de nit brutal gfirtet hot nr woasi nit... brutal, zumindescht kimm i so zu an günstigen flug ;-)
des wor de gschicht! Wos sog es drzua?
In drei Tog bini drhuam. Nr drzehl i enk di story, wia dr weiss ins chinesische weingeschäft einsteig! :-)

lg
Weiss

P.S.: Hops es luscht, am donnerstig afnobed Mols ai zu fohren zu a vorlesung? Alis Freindin lest ihre gedichte vor!

hon krot 2 Korten für die Premiere von ICE AGE 2 gwunnen mit Popkorn und Cola im Megaplex Gasometer! Zem worn mir jo schun mol, gell??

**!!EILMELDUNG!!**

i hon enk jo schu long eppes drzehlt. woas ober nit op es des no wisst. i hon jo mol gsog, dass in Rom a Apple Store aufmocht. Nr hon i so aus spass a bewerbung gschickt um zu probieren. Jo und iatz honi krot die mailbox kontrolliert, und wos honi gsegen: "Gentile singnore Weiss, siamo lieti di communicarle..." JOOOOO i hon a stell im Apple Store Rom gekriag!!!!! Juhhhhhuuuuuu!!! Mein Traum isch wor gworden!! Im Mai werd er eröffnet, und hel hoaßt iatz, dass i mein Studium schmeiß und noch Rom ziach, um meinen Traum wahr werden zu lossen! Es kreag logisch olle ve mir an rabatt! frei mi schun pol es noch rom kemps! Worts es schu mol!?
i hoff es freit enk für mi und es seit stolz! in summer mit china werd logisch nix mehr... ober naja, des sich in den moment viel wichtiger für mi! Vielleicht sig men mi jo mol af an apple werbeplakat!? :-)
so iatz werd af dr fete do mol so richtig gfeiert!! boa Apple Store... stellts enk mol sel in enkern gedanken vor!!

des wor die "Eilmeldung"! Tschüss

lg
Weiss

28.März - Ali's Geburtstog

Hallo! Stellt enk folgendes vor:
i kimm von an stressigen UNI tog huam, am tog drvor bini a erscht uma 3 liegn gongen, weil mir in ali um punkt 12 ausn bettl außergsungen hobn. drnoch hots an kuchn geben und a in uan oder onderen tropfen alkohol ;-)
soweit so gut, am nächschtn tog kimm i huam. di kuch schaug aus als war no Fosching. I hon mir gedenkt des am tog dr vor wor schu die Geburtstogsfete? Honi eppes verpasst? Na nix, angeblich kemmen lei 30 Leit zu a Geburtstogsfete. Aha... super! mit der guatn laune wos i kop hon und de wenig stunden wos i af mein schlofkonto obn kop hon... wori nit so überzeug! ober olles hot sich gewendet, sobold olle leit wosi kenn do worn und wosi a long nimmer gsegen hon. Hots ziemlich viele longe interessante plauscher gebn... a über china! weil in dr wohnung konni nia viel ve china drzehln, weil zem olm glei di zimmertüren ve die mitbewohner zuaschnellen. wenn es versteat wos i muan :-) drnoch sein mir ins "Bricks" gongen, in insrer nähe. Da waren es nur mehr 15, weil olle onderen gongen sein. Nr isch getrunken worden und gedanced! Zum liad: "Ein Kompliment" von den "Sportfreunde Stiller". Cool!! Dr Dj, a Frau, wor so URgeil! so a strana frau honi no nia gsegen! Des wor a Mischung aus Nina Hagen und an Stroßenorbeiter. Ihr "kleid" wor aus an roatn stoff mit lichtreflektierenden Stroafen. wia di bauorbeiter ebn. de wor so durchgeknollt und übergedrahnt! i hon si gfrog ob i a foto mochn terf, nr sog si: "jo, oba nur wenn du mir a mund voll wodka bezahlst" (auf wienerisch ;-)). de wor so betrunken, ober a irgendwia lustig. Nr sein X remixe vem Schnappi liad gongen. volle geil und a wiener klassiker! ihre kollegen wos bam dj tisch zui gsessen sein, worn a komisch. a schwuler sadomaso typ, mit schorzem leder holsbandl und bauchlaibele! Wäääh!! a fetter typ und so ondre komische. pol der uane gsegn hot, dassi a foto gmocht hon, hot er glei seine cam gezückt und hot a foto ve mir gmocht! omg! i hoff des erscheint nirgends in an ondern blogg... :-/
do seg es iatz gonz exklusiv des top secret pic, für des i viel, wia z.B. meine privatsphäre geopfert hon: (nit weiter gebn! Tipp: Durch draufklicken öffnet sich ein neues Fenster mit dem selben Bild in höherer Auflösung!)um 3e sein mir huam. da waren es nur mehr 4! Putega, so mieße laune, ober decht unter die Top 4! Sombo sich a schu gongen. Drhuam hots a pasta geben, ober i hon lei 3-4 nudl gessen drnoch bini in di haia... bam essen bini a foscht ingnickt. ober wos solls, 4.plotz ve 30 isch woll a eppes ;-)
i hon no ziemlich geile fotos ve alis geburtstog. ober i zoag si enk mol so, weil i will si nit ohne erlabnis im internet verbreiten. ober i konn enk versprechen, de werdn enk bestimmt zum lochn bringen.
wos suscht no passiert isch? jo... viel! Zum beispiel die story, wo dr Weiss in an Chinesischem Reisebüro wor und unglaubliches erleb hot! ober irgendwia werd der post nr zu long. ober i wers in an nuidn post ausführlich wieder geben! versprochen.

i gib mir so viel mühe zu schreibn, ober i hear nia a kompliment wegn meinem schriftstellerisch hochgradig ausgeprägten unübertrefflichen schreibstil... traurig... ober naja, vielleicht ändert sich des jo heint no!

lg
Thomas alias "白"