28.März - Ali's Geburtstog

Hallo! Stellt enk folgendes vor:
i kimm von an stressigen UNI tog huam, am tog drvor bini a erscht uma 3 liegn gongen, weil mir in ali um punkt 12 ausn bettl außergsungen hobn. drnoch hots an kuchn geben und a in uan oder onderen tropfen alkohol ;-)
soweit so gut, am nächschtn tog kimm i huam. di kuch schaug aus als war no Fosching. I hon mir gedenkt des am tog dr vor wor schu die Geburtstogsfete? Honi eppes verpasst? Na nix, angeblich kemmen lei 30 Leit zu a Geburtstogsfete. Aha... super! mit der guatn laune wos i kop hon und de wenig stunden wos i af mein schlofkonto obn kop hon... wori nit so überzeug! ober olles hot sich gewendet, sobold olle leit wosi kenn do worn und wosi a long nimmer gsegen hon. Hots ziemlich viele longe interessante plauscher gebn... a über china! weil in dr wohnung konni nia viel ve china drzehln, weil zem olm glei di zimmertüren ve die mitbewohner zuaschnellen. wenn es versteat wos i muan :-) drnoch sein mir ins "Bricks" gongen, in insrer nähe. Da waren es nur mehr 15, weil olle onderen gongen sein. Nr isch getrunken worden und gedanced! Zum liad: "Ein Kompliment" von den "Sportfreunde Stiller". Cool!! Dr Dj, a Frau, wor so URgeil! so a strana frau honi no nia gsegen! Des wor a Mischung aus Nina Hagen und an Stroßenorbeiter. Ihr "kleid" wor aus an roatn stoff mit lichtreflektierenden Stroafen. wia di bauorbeiter ebn. de wor so durchgeknollt und übergedrahnt! i hon si gfrog ob i a foto mochn terf, nr sog si: "jo, oba nur wenn du mir a mund voll wodka bezahlst" (auf wienerisch ;-)). de wor so betrunken, ober a irgendwia lustig. Nr sein X remixe vem Schnappi liad gongen. volle geil und a wiener klassiker! ihre kollegen wos bam dj tisch zui gsessen sein, worn a komisch. a schwuler sadomaso typ, mit schorzem leder holsbandl und bauchlaibele! Wäääh!! a fetter typ und so ondre komische. pol der uane gsegn hot, dassi a foto gmocht hon, hot er glei seine cam gezückt und hot a foto ve mir gmocht! omg! i hoff des erscheint nirgends in an ondern blogg... :-/
do seg es iatz gonz exklusiv des top secret pic, für des i viel, wia z.B. meine privatsphäre geopfert hon: (nit weiter gebn! Tipp: Durch draufklicken öffnet sich ein neues Fenster mit dem selben Bild in höherer Auflösung!)um 3e sein mir huam. da waren es nur mehr 4! Putega, so mieße laune, ober decht unter die Top 4! Sombo sich a schu gongen. Drhuam hots a pasta geben, ober i hon lei 3-4 nudl gessen drnoch bini in di haia... bam essen bini a foscht ingnickt. ober wos solls, 4.plotz ve 30 isch woll a eppes ;-)
i hon no ziemlich geile fotos ve alis geburtstog. ober i zoag si enk mol so, weil i will si nit ohne erlabnis im internet verbreiten. ober i konn enk versprechen, de werdn enk bestimmt zum lochn bringen.
wos suscht no passiert isch? jo... viel! Zum beispiel die story, wo dr Weiss in an Chinesischem Reisebüro wor und unglaubliches erleb hot! ober irgendwia werd der post nr zu long. ober i wers in an nuidn post ausführlich wieder geben! versprochen.

i gib mir so viel mühe zu schreibn, ober i hear nia a kompliment wegn meinem schriftstellerisch hochgradig ausgeprägten unübertrefflichen schreibstil... traurig... ober naja, vielleicht ändert sich des jo heint no!

lg
Thomas alias "白"

Zusammenfassung!

Hallo liebe Leut! no 12 tog nr bin i wieder drhuam! *freu* i wor denn donnerstig af a informationsveranstaltung betreffend shaoxing (绍兴), nr hobn si fotos gezoag und es wor zu geil! so scheane fotos! di uni lieg af an insel, und isch lei über a brugg zuagänglich! riesen campus, 4 mol greaßer wia der in wien do. sauber grün, und a awia chinesischer kitsch terf a nit fahlen! :-) leider hots im juli enten 24-40 Grad!! und volle a feuchte luft. also i wer mir a por reserven deos mitnemmen... zum wohl der allgemeinheit! i bin ca. 3-4 wochen in der stodt. nr hobn si ins gsog, mir solln ins a radl kafn, weil mirs sicher brauchen werdn. nr denk i mir: na i gib sichr kuan geld für a radl aus! nr sog er, kuane ongscht, a radl koschtet enten 15€, a guats 20€! boa, geil! es sein ziemlich viele wos drnoch länger enten bleiben wellen. muas mi umhearn, magari find i jemand! suscht fohr i a aluan. olle leit hobn mir grotn aluan ummerzufohren... ober hell isch nit so uanfoch, i brauch olm gesellschoft!! wos teat es nomol im summer? habs luscht an sprung Peking, Shanghai und Hongkong zu fohren?? i muan af dr matura ai, a kluane reise werdn enk di eltern woll zohlen? vielleicht fohri a noch tokyo - unterschwellige botschaft an sara!! ;-)
sucht gibs a nix aufregendes neues, gestern wori af a geburtstogsfeier im 10. Bezirk - am arsch der welt! ober extrem geile wohnug! leschter stock mit a rießen terasse. URgeil!
sodela, des wors!
ajo, des foto soll enk a vorgeschmock ve meiner fotoreiseberichterstattung im summer geben!

!LET MUSIC GUIDE YOUR LIFE!

Erster Ausflug der Prater-WG ;-)

Hallo liebes Tagebuch... :-) Nana kuane ongscht! insre WG wor heint ba an (entlich) frühlingshaften sonnenreichen wolkenlosen Sonntag afn prater spazieren. ziemlich viel los, foscht olle attraktionen woren offen! volle genial! Hey, i hons Gardaland vor dr haustier! bin i heint draufkemmen... Epes het mi brutal greizt. de kugel wos di 100m aispeckt af so a lastigbandl. zem wo lei 2 leit plotz hobn. hell war cool gweden. mir hatten lei di hälfte zohlen gmiat. (7,50€ stott 15€) ober i hon di brillen aufkop, und ohne hon i jo nix ve dr aussicht! es wisst woll... ;-) di ondern hobn volle schiss kop, ober i wia gsog hats schu getund wenn i de beschissene brille nit kop het... i frei mi schun drauf, poll es zu mein geburtstog inner fohrts! i hon lei a gerücht keart, wer woas obs stimp!? Nr kennen mir zum Prater ai gean, yeahh... i sog lei: "Boa, dr Weiss schaug so weiss aus!"
iatz zu an onderen gschicht wos mi ehrlich gsog schockiert hot. hon di Claudia zum essen ingloden, zusommen mit ondre. si hot zuagsog. heint kreag i an unruaf: "i hon kuane luscht. i find di zwor volle symphatisch, nett, lustig (...) ober i sig kuan potenzial für insre Freundschoft. desholb will i kuane zeit verschwenden wenn mir 2 gonz verschieden leit sein! es lig nett an dir, bisch wirklich a netter kerl. ober i sigs schu lei anen verschiedenen humor." und des af vorarelbergerisch! wos soll i sogn? i hon gsog si isch kronk. :-) so eppes hon i no nia keart! i hon kuane obsichten af a beziehung oder so, i wollt lei di freundschoft am leben kolten. OK, in an monn glab men sell nia ;-) iatz woasi wiso si olm aluan isch und kuane freunde hot - hot si selber gsog! mir isch si a olleweil stranöser fier kemmen. Mir tuats load, wenn jemand versuachsch zu integrieren nr hearsch des. i muan so findet men jo nia kollegen... oder? Wos sog es?

di rosl in wien, auwaia...

hallo, grüß euch!
wie versprochen gibs iatz a resumè vem wochenende:
Am donnerstig sein di rosl, karin und di eltern ve dr karin kemmen. am freitig sein mir glei ins outlet center Parndorf gfohren, gott sei donk lei i und di karin ;-) es isch schu in burgenland nahe der grenze, glabi. volle geil!! praktisch isches aufgebaut wia a amerikanische kleinstodt mit olls kluane hittelen. jedes an ondre forb und in jeder hitt a ondre marke: Levis, Energy, CK, Adidas, Nike, Puma, Tommy H., Lacoste, Polo, Ralph L., billabong, dolce&habbana, und tausend ondre marken wosi nit kenn. di karin hot si olle gekennt. es isch sehr günstig! hon mir glei an trainer gekaft plus jogging schuach ve dr nike um 100€! i konns jedem lei empfehlen.
drnoch sein mir millenium city gongen running sushi essen. do zohlt men 10€ und men konn soviel fressen (in dem foll nit essen) ve den zuig wos afn lafbandl vorbeikimp wia men will! insgesomt hobn mir nr 60 tallerlen gessen! boa wor mir schlecht. mir hobns oftramol mit insre 4 hand nit drtun de sochn vem lafbandl orzutean... de wos noch ins am lafbandl gsessen sein hobn nix obgekriag! :-)
am somstig worn mir naschmarkt. rießen delikatessen morkt aus allen herren ländern. und plus wor zem a no a flohmorkt! am obend sein mir mexikanisch essen gongen. putega wor des guat, und a no volle billig! rippelen insgesomt a meter long um nit mol 10€! Di rosl zum kellner: "io no signorita, tu signorita!"
u bohn fohren wor geil mit dr rosl und vorollem lustig! poll di ubohn in di station innifohrt, SCHREIT si: "um gottes willen, wo muas i iatz do aussteigen!?" uanmol honi si gmiat aluan mit dr u bohn huamschicken. der zug wor so überfüllt... i hon ihr gsog: "steig di dritte station aus!". des wor so lustig, di rosl in a überfüllten u bohn vorbeizischen zu segen. miaßts enk mol vorstellen! de hot grimassen gschnieten! :-) si isch richtig ausgstiegn isch ober in folschen ausgong aigongen, nr hot si sich verlafn!!
an einem schönen aben auf dr kärntner stroß hot so a "blinde" sängerin gsungen um holt münzen zu kreagen. di rosl isch nr bis af 5cm mitn kopf zum gsicht ve der sängerin zui gongen, um zu schaugen ob de wirklich blind isch. na wors mir zu bled!!
es hot schu öfters vorkommnisse geben wo i foscht explodiert war, ober um sell olle zu schreiben fahlt uanfoch dr plotz!

di heizung isch heint repariert worden. iatz tropfts, unter dr heizung isch a lock... jo super!! di hondwerker hobn a werkzuig liegn lossn. morgen muasi si wieder unleiten, suscht steat gach mein zimmer unter wosser!

bin iatz beim asia geschäft bereits stommkunde :-)

heint bini wiedermol in di folsche stroßenbohn ingstiegen und af uanmol bam rathaus außerkemmen. drnoch pol i in dr richtigen wor, bin i uane station zu fria ausgstiegen... so an pech!

so, das wars!
liebe grüße
Weiss

Schimmel Story, 2. Versuch

Eigentlich honi des schu gestern gschriebn. Ober beim foto einfügen hots nr irgendwia olles glöscht. :-( nr fong i holt nomol ve 0 un, mol schaugn ob dr text a so schean werd. Also wia es wisst isches in mien zimmer ziemlich kolt. Einige ve enk hobns am eigenen leib spüren gmiat... mit entsetzen honi festgstellt dass sich a schimmelpilz entwickelt hot im eck. No entsetzender wors, als i bemerkt hon, dass sich dr schimmel bis vor mein bett vorgeorbetet hot. Hintern kosten und dr kommode olles schimmel (siehe Bild). Scheiße hon i mir gedenkt! Nr bini zur verwoltung gongen mi aufregen, weil des isch seggo nit normal. Frogen konn men jo nit. Di verwolterin hot gsog si schaug sich des genauer un. Am nächschtn tog wor si nr a do. gonz zufällig wor nr a techniker ve Vaillant do, um in boiler zu richten (wia es magari wisst sein mir 2-3 tog ohne wormwosser und heizung gweden!). Nr hot si nen glei gfrog, ob er nochschaugn kannet wos in mein heizkörper fahlt. Überraschender weise wor is ventil kaputt! Praktisch pol i in heizkörper maximal aufgedrahnt hon, isch er eigentlich ausgscholtn gweden! SCHOCK! De wärme wos außer kemmen isch, isch praktisch außerkemmen pol dr heizkörper AUSgscholten wor! SCHOCK Nr.2! af jeden foll hon i an termin, gmocht, am Mittwoch kimp uaner des reparieren (am mittwoch wor des, also no 5 tog ohne heizung). Ober wer zohlt des? I konns mir nit leischten! :-) di verwolterin hot gsog, dass des nit normal isch, si schickt an ingeneuer vorbei, der wos des genauer begutachten konn. Er isch vor 2 tog kemmen hot olles ungschaug und nit genau sogen gekennt wer di schuld hot. I denk mir SCHEIßE! Iatz konn i des a no zohlen... ober is schicksohl muants guat mit mir, weil: di verwoltung zohlt die heizungsreparatur. ERLEICHTERUNG! und dr schimmel werd ve dr Versicherung gezohlt, weil er aufgrund der kälte entstonden isch, de wos wiederum af di hinige heizung zurückzuführen isch... ERLEICHTERUNG Nr.2! iatz honi de woch praktisch jede menge hondwerker do, und i brauch NIX zohlen. Juhuu!
Moral der Geschichte: Glaub nimals den Mitbewohnern und laf frisch glei zur verwoltung aufdrahnen! Weil i hon olm zu hearn gekriag: „pech kop, iatz isch eh pol frühling!“ und besser nit zur verwoltung gean suscht miaßn mir olle zohlen... mit sette „argumente“ bin i olm obgschpeißt worden! Und poli gfrog hon, ob men die heizung inscholtne kannet, hots koaßen: „zohlsch holt in munat 20€ mehr!“ also i zohl iatz fix wianiger € gas, weil i hon jo ve dr heizung nix kop, oder? Auf jedenfoll frei i mi schun auf des gfühl, ohne windjacke, deck, schal und wos woas i wos olles im zimmer lernen zu kennen. Und hoffentlich muaß ob iatz kuan goscht mehr mit an schnupfn und a ver(od. unter)kühlung huam fohren ;-)
So des war de never ending story. ;-)

Nomol wichtige news in kurzform:

I fohr iatz fix im summer noch shaoxing und wer drnoch no apor wochn drzuahängen ;-)

Hon mir a groaße china londkorte gekaft, 2,00m x 1,5m. also rießen groaß. Ober kuane folsche hoffnungen, es wird eh nix verstean, weil olles af chinesisch isch :-)

Wia es wisst, di rosl isch do. bo so viel glocht honi long nimmer :-) näheres im nächschtn post am sunntog. Zem gibs nr a no apor erfahrungen mit chinesen, sehr lustig und lesenswert ;-)

Servus, Weiss ;-)

Sonntag 5.03.

Hallo mitanonder! Nach (un)e(n)ttlichen Anfragen sitz i entlich gonz gemiatlich bam läppi zui und lous Manu Chao :-) Also iatz bin i jo a gonze Woche do, und es sich recht viel passiert, obwohl i di holbe Zeit gschlofen hon! Und is holbe a wieder vergessen hon. Am montog prüfung, gonz guat gongen. Drnoch glei zum Ikea. i bin iatz übrigens IKEA Family Mitglied. Kreag bam essen 15% rabatt.
am dienstig sombo&waschtl kemmen. nr 2 tog bis foscht 5e ausgongen. brutale gschichten... i woas nit ob dis mit di rechte geat... obr i het a foto ve ihmene zwoa. ach na i will enk nit in apetitt verderben.
Heint hots in gonzen tog gschnieben, gestern a foscht. morgen honi 2 prüfungen. uane pocki sicher, di ondre sicher nit! s***** publizistik. de woch fong a wieder olles un. Die WU ruft, chinesisch honi schu 2 sochen kop. butana, des werd a spass. iatz muasi widr unfongen olle woch mitzulernen... magari triff i mi iatz mit dr chin. tochter vem tandem partner. mol schaugen. heint in gonzn tog mit dr lisi lernen, gonz lustig. "Hey oider!" oder "Mir zahnt's" honi schu glernt. si findet in südtiroler dialekt volle cool. ansuschtn gibs a nix aufregendes. hon bam kortn spielen 30€ verloren, nr wieder 18€ gwunnen, heint wieder 10€ verloren. untern strich nit guat... am donnerstig gea i af di uni informationsveranstaltung ve shaoxing/sprochreise. mol schaugen woses nuis gib. Ich hoff i hon enkern informationsdurscht stillen gekennt ;-)
ba enk fong morgen a mitlerweile di schual und! HAHA
ajo, no 3-4 herrliche ruhige relaxte enpannende chillige tog bis di rosl (!) kimp...
P.S.: I glab mir hobn a nuie Leserin. muasi aufpassen wos schreiben! Es lebe die Lyrik und der Kaugummi!
Auf den weg mechet i mi bam berni für die nette videokonferenz bedonken! F_C_ Y_U! :-_